ចុះលាងជើងរអិលធ្លាក់ចូលទឹកប្រឡាយ បណ្ដាលអោយលង់ទឹកស្លាប់
24-August-2018 | ដោយ ពលមនសិការ
ពោធិ៍សាត់៖ បុរសម្នាក់បានស្លាប់បាត់បង់ជីវិត ដោយសារចុះលាងជើងលុបមុខរអិលធ្លាក់ចូលទឹកប្រឡាយបណ្ដាលអោយលង់ទឹកស្លាប់តែម្តង ។ ហេតុការណ៍នេះបានកើតឡើងកាលពីវេលាម៉ោង៥ល្ងាច ថ្ងៃព្រហស្បតិ៍១២កើតខែស្រាពណ៍ឆ្នាំចសំរិទ្ធិស័ក ព.ស ២៥៦២ ត្រូវនឹងថ្ងៃទី២៣ខែសីហាឆ្នាំ២០១៨ នៅចំណុចប្រឡាយហុងសែនជ័យស្ថិតនៅភូមិសែនជ័យ ឃុំស្រែស្ដុក ស្រុកកណ្ដៀង ខេត្តពោធិ៍សាត់។
លោកនាយប៉ុស្តិ៍នគរបាលរដ្ឋបាលស្រែស្តុកបានឲ្យដឹងថា ជនរងគ្រោះមានឈ្មោះសយ ឈ្ននភេទប្រុសអាយុ៥០ឆ្នាំរស់នៅភូមិ ឃុំកើតហេតុខាងលើ។ លោកបានបន្តថា ក្រោយពីករណីនេះបានកើតឡើងភ្លាមៗ សមត្ថកិច្ចនគរបានចុះទៅពិនិត្យសាកសពនៅនឹងកន្លែងកើតហេតុ ឃើញថាជនរងគ្រោះពិតជាបានស្លាប់ដោយសារលង់ទឹកស្លាប់ពិតប្រាកដមែនព្រោះមិនចេះហែលទឹក។ចំពោះសាកសពសមត្ថកិច្ចបានប្រគល់ទៅអោយក្រុមគ្រួសារធ្វើបុណ្យតាមប្រពៃណី៕
ចំនួនអ្នកទស្សនា
- ថ្ងៃនេះ3901
- ម្សិលមិញ16391
- សប្តាហ៍នេះ50131
- ខែនេះ165281
- ឆ្នាំនេះ165281
- សរុប20607737